President Office | National Unity Government of Myanmar

“ လှိုက်လှဲစွာ ကြိုဆိုပါသည်”

အမျိုးသားညီညွတ်ရေးအစိုးရ၊ နိင်ငံတော်သမ္မတရုံး တရားဝင် အင်တာနက် စာမျက်နှာမှ လှိုက်လှဲစွာ ကြိုဆိုပါသည်။

မြန်မာလူထုနှင့်သာမက တရားမျှတမှု၊ ငြိမ်းချမ်းမှုနှင့် ဖက်ဒရယ် ဒီမိုကရေစီတို့အတွက် မိမိတို့နှင့်အတူတကွ ရပ်တည် တိုက်ပွဲဝင်နေသော ကမ္ဘာတဝန်းမှ အားပေး ထောက်ခံသူများနှင့်ပါ ချိတ်ဆက် ထိစပ်နိုင်ရန် ရည်ရွယ်၍ ဤ အင်တာနက် စာမျက်နှာကို ဖွင့်လှစ်ထားခြင်းဖြစ်ပါသည်။

မိမိတို့ နိုင်ငံသမိုင်းတွင် အထူးပင် အရေးပါသော အလှည့်အပြောင်းကာလတခုကို ရင်ဆိုင်နေကြရသည်နှင့်အမျှ လူထုဆန္ဒကို အလေးအနက်ထားသည့် မိမိတို့၏ သန္နိဋ္ဌာန်အပေါ် သမ္မတရုံးအနေဖြင့် မယိုင်မလဲ ခိုင်မြဲစွာ ရပ်တည်လျက်ရှိပါသည်။

မိမိတို့သည် အစိုးရတရပ်ကို ကိုယ်စားပြုသည်သာမက လွတ်လပ်မှု၊ လူ့ဂုဏ်သိက္ခာနှင့် တရားဥပဒေစိုးမိုးရေးတို့ကို တန်ဖိုးထားသည့် မြန်မာနိုင်ငံတရပ် တည်ထောင်လိုသည့် သန်းပေါင်းများစွာသော မြန်မာနိုင်ငံသားတို့၏ မျှော်လင့်ချက်နှင့် ပြင်းပြသော ဆန္ဒ ရည်မှန်းချက်ကိုလည်း ကိုယ်စားပြုပါသည်။

ထိုစံတန်ဖိုးများ၏ လမ်းညွှန်မှုဖြင့် တရားမျှတမှုကင်းမဲ့စွာ ငြင်းပယ်ခံထားရသည့် ဒီမိုကရေစီနည်းကျ အခွင့်အရေးများ ပြန်လည် ရယူ ခံစားနိင်ရေး နေ့ညမပြတ် အားထုတ်ကြိုးပမ်းလျက်ရှိပါသည်။

ဤ အင်တာနက် စာမျက်နှာမှတဆင့် မိမိတို့၏ ကြိုးပမ်း လုပ်ဆောင်ချက်များကို အချိန်နှင့်တပြေးညီ မျှဝေ တင်ပြရန်၊ ပြည်တွင်းပြည်ပမှ တော်လှန်လူထုများ၊ အားပေးထောက်ခံသူများနှင့် ထိစပ် ချိတ်ဆက်ရန်၊ မြန်မာနိုင်ငံသား တဦးချင်းစီနှင့် နိုင်ငံတကာမိတ်ဆွေ တဦးချင်းစီ၏ ပါဝင် လုပ်ဆောင်မှုတို့ကို ဖိတ်ေခေါ်သွားရန် ရည်ရွယ်ပါသည်။

မိမိတို့၏ အမွေအနှစ်ကို ထိန်းသိမ်းရန်၊ ငြိမ်းချမ်းသော ဖက်ဒရယ် ဒီမိုကရေစီ မြန်မာနိုင်ငံသစ် ထူထောင်ရန် မိမိတို့အားလုံးတွင် အတူတကွ တာဝန်ရှိသည်ဟု ခံယူပါသည်။ တဦးချင်းစီ၏ အားပေးထောက်ခံမှုဖြင့် မျှော်လင့်ချက်ပြည့်ဝသည့် ရောင်နီသစ်ကို မိမိတို့ မြင်တွေ့ကြရမည်ဟု အခိုင်အမာ ယုံကြည်ပါသည်။

လာရောက်ကြည့်ရှုခြင်းနှင့် မိမိတို့နှင့်အတူတကွ သွေးစည်းညီညွတ်စွာ ရပ်တည်ခြင်းအတွက် အထူးပင် ကျေးဇူးတင်ရှိပါသည်။

“ အရေးတော်ပုံ မုချ အောင်ရမည်”